Gəncə Dövlət Universitetinin magistratura səviyyəsinə 2020/2021-ci tədris ili üçün qəbul olunmuş bakalvrların qeydiyyatı “COVİD-19” koronavirus infeksiyasının yayılmasının qarşısının alınması məqsədilə  ilə tətbiq edilən karantin rejiminə görə online qaydada aparılması nəzərdə tutulub. Online qeydiyyat zamanı təhsil haqqını ödəməkdən azad edilmək üçün aşağıda qeyd edilən sənədlərin şəklini çəkib 0503884491 WhatsApp nömrəsinə göndərmək lazımdır. Sənədlərin şəkli səliqəli çəkilməli və oxunan olmalıdır.

Məcburi köçkünlər:

1) Məcburi köçkün vəsiqəsi;

2) Şəxsiyyət vəsiqəsi;

3) Rayon (şəhər) icra hakimiyyətində yaradılmış «Qaçqın və məcburi köçkünlərin işləri üzrə dövlət komitəsi»nin yerli nümayəndəsindən arayış;

Valideyn himayəsindən məhrum olmuş şəxslər:

1) Tələbənin valideyninin (atasının və ya anasının) və özünün şəxsiyyət vəsiqəsi;

2) Himayəyə və qəyyumluğa verilmə barədə icra hakimyyəti başçısının qərarı;

3) Nigah haqqında şəhadətnamə (valideynlərinin);

4) Ölüm haqqında (atasının və ya anasının) şəhadətnamə;

5) Tələbənin doğum haqqında şəhadətnaməsi;

6) I və ya II qrup əlil olan şəxsin (atasının və ya anasının) əlillik vəsiqəsi;

7) TSEK-in əlillik verilməsi barədə arayışı;

8) Şəhər və ya rayon DSMF – dan arayış; (əlillik barədə)

9) Bütün sənədlərin surətləri notarial qaydada təsdiq olunmalıdır.

Azərbaycan Respublikasının ərazi bütövlüyünün, müstəqilliyinin və Konstitusiya quruluşunun müdafiəsi zamanı əlil olmuş və Azərbaycan Respublikasının azadlığı, suverenliyi və ərazi bütövlüyü uğrunda həlak olan, hərbi əməliyyatla əlaqədar itkin düşən və məhkəmə tərəfindən ölmüş elan edilən vətəndaşların uşaqları:

1. Tələbənin valideyninin (atasının və ya anasının) və özünün şəxsiyyət vəsiqəsi (əsli və surəti);
2. Tələbənin doğum haqqında şəhadətnaməsi;
3. Əlil olan şəxsin (atasının və ya anasının) əlillik vəsiqəsi;
4. TSEK-in (VTEK) – əlillik verilməsi barədə arayışı; –Arayışda -Azərbaycan Respublikasının müdafiəsi zamanı xəsarət almışdır – qeyd olunmalıdır.
5. Şəhər və ya rayon DSMF – dan arayış; (əlillik barədə)
6. Bütün sənədlərin surətləri notarial qaydada təsdiq olunmalıdır.

Şəhid ailəsi üzvü:

1) Şəhid ailəsi vəsiqəsi;

2) Hərbi komissarlıqdan arayış;

3) Tələbənin və valideyninin şəxsiyyət vəsiqəsi;

4) Nigah şəhadətnaməsi;

5) Atasının (anasının) ölüm haqqında şəhadətnaməsi;

6) Tələbənin doğum haqqında şəhadətnaməsi;

7) Bütün sənədlərin surətləri notarial qaydada təsdiq olunmalıdır.

Sağlamlıq imkanları məhdud 18 yaşınadək, habelə I və II dərəcə əlilliyi oln şəxslər

1. Şəxsiyyət vəsiqəsi
2. TSEK-in əlillik verilməsi barədə arayışı
3. Əlil olan şəxsin (I və ya İİ qrup) əlillik vəsiqəsi
4.   Şəhər və ya rayon DSMF – dan arayış; (əlillik barədə)

    Qeyd:

1. Təhsil haqqını ödəməkdən azad edilmək üçün yuxarıda qeyd edilən sənədlərin sürətini notarial qaydada təsdiq etdirməli, Sizə uyğun ərizə formasını doldurmalı, imza etməli və iki həftə müddətində poçt vasitəsilə Universitetə göndərməlisiniz. Əks halda təhsil haqqını ödəməkdən azad edilməyə bilərsiniz.
   1. Sizin təhsil haqqını ödəməkdən azad edilməyiniz üçün Universitetlə müqavilə bağlamalısınız. Müqavilə Universitet tərəfindən təsdiq olunaraq şəkli çəkiləcək və Sizə göndəriləcək. Müqaviləni çap edərək imza etməyiniz və şəklini çəkərək 0503186558 WhatsApp nömrəsinə göndərməyiniz tələb olunur. Əks halda təhsil haqqını ödəməkdən azad edilməyə bilərsiniz.

Standart ərizə formalarını buradan əldə edə bilərsiniz

TƏHSİL HAQQININ ÖDƏNİLMƏSİNDƏN AZADETMƏ KOMİSSİYASI

Azərbaycan Respublikasında koronavirus (COVİD-19) infeksiyasının yayılması təhlükəsinin qarşısının alınması məqsədi ilə tətbiq edilən karantin tədbirləri ilə əlaqədar olraq 2020/2021-ci tədris ilində Gəncə Dövlət Universitetinin magistratura səviyyəsinə qəbul olunmuş bakalavrların qeydiyyatı “online” qaydada həyata keçiriləcəkdir. Online qeydiyyat üçün aşağıda qeyd edilən sənədlərin şəklini pdf formatında 0503186558 və 0554866737 WhatsApp nömrələrindən birinə göndərmək lazımdır:

1. Əvvəlki illərin məzunları üçün: bakalavr diplomu və diploma əlavə (qiymət cədvəli);
2. Cari ilin məzunları üçün: üniversiteti bitirmələri haqqında diplom əvəzi  arayış;
3. Qəbul olunması barədə bakalavrın DİM sytındakı şəxsi səhifəsindən çıxarış (şəklini çəkmək və ya screenshoot etmək olar);
4. Ödənişli əsaslarla qəbul olunanlar üçün ödəniş qəbzi;
5. Şəxsiyyət vəsiqəsi;
6. 3×4 ölçüdə foto şəkil;
7. Ödənişli əsaslarla ali təhsilli mütəxəssislərin hazırlanması haqqında müqavilənin imzalanmış nüsxəsi (müqavilənin mətni elana əlavə olunur).

Diqqət: Yuxarıda qeyd olunan sənədlərlə yanaşı hər bir bakalavr magistraturaya qəbul zamanı imtahan verdiyi xarici dili, özünün hazırki faktiki yaşayış ünvanını və 2 aktiv telefon (özünün, valideyninin, yaxud ev telefonunun) nömrəsini ayrıca vərəqdə yazaraq digər sənədlərlə birlikdə təqdim etməlidir. Sənədlərlə bağlı hər hansı sual meydana çıxarsa sizinlə həmin telefonlar vasitəsilə əlaqə saxlanılacaq.

Qeyd:

1. Tədris məşğələləri başlayanadək yuxarıda qeyd edilən sənədlərin əsli məcburi qaydada Universitetə təqdim edilməlidir.
2. Bütün ixtisaslar üzrə bir illik təhsil haqqı 1100 (bir min yüz) manatdır.
3. İllik təhsil haqqının ən azı 50%-nin (550 AZN) ödənilməsi məcburidir. Ödəniş qəbzi təqdim olunmadığı halda qeydiyyata alınmayacaqsınız.
4. Ödənişli əsaslarla ali təhsilli mütəxəssislərin hazırlanması haqqında Müqavilə Universitet tərəfindən pdf formatında təqdim edilir. Müqaviləni çap edərək imza etməyiniz və şəklini çəkərək 0503186558, 0554866737  WhatsApp nömrələrindən birinə göndərməyiniz tələb olunur.
5. Yuxarıda qeyd edilən sənədlərin əslini qeydiyyatdan sonra poçt vasitəsi ilə də göndərə bilərsiniz.
6. Sənədlərin əslini təqdim etməyən şəxslər Universitetdən xaric olunacaq.
7. Sənədlərin şəkli səliqəli çəkilməli və oxunan olmalıdır.

Əlaqə telefonunu və imtahanda seçdiyiniz xarici dili qeyd etməyiniz tələb edilir.

Sənəd qəbulu komissiyası

Təhsil müəssisəsinin rekviziti

Gəncə Dövlət Universiteti

VÖEN: 2300313061

Bank: Kapital Bank ASC-nin Gəncə filialı

Bank VÖEN 9900003611

M/H:     

AZ37NABZ01350100000000001944

Kod 200275

H/h: AZ73AİİB33070019442711898127

S.W.I.F.T: AIIBAZ2X

Hörmətli tələbələr!
Universitet rəhbərliyi tərəfindən hazırlanmış Yay imtahan sesiyasının təşkili mexanizmi dünən elan olunmuşdur. Bu elanda imtahanların keçirilməsi üçün Whatsapp proqramından istifadə ediləcəyi qeyd olunmuşdur. Çoxlarında belə bir sual meydana çıxa bilər ki, “Nə üçün Whatsapp proqramı?”. Bildiyiniz kimi müasir dövrdə online imtahanın təşkili üçün bir çox mükəmməl və yüksək texnologiyalar əsasında hazırlanmış sistemlər mövcuddur. Belə bir sistemin biri də universitetimiz tərəfindən istifadə olunur.
Bildiyiniz kimi 2010-cu ildən etibarən universitetimizdə e-imtahan sistemi mövcuddur. Bütün tələbələrin bu sistem haqqında ümumi və asan istifadə qaydaları haqqında məlumatı vardır. Həmin sistem universitetin daxili şəbəkəsi ilə işləyir. Bu sistem eyni zamanda internet mühitində də istifadə edilə bilər. Yəni siz əvvəlki illərdə test imtahanı verən zaman universitetdə ayrılmış xüsusi otaqlarda olurduz. Sistemdə belə bir imkan da var ki, siz universitetə gəlmədən öz evinizdə bu sistemə daxil ola və imtahan verə bilərsiz. Amma biz bu sistemdən istifadə etməyi uyğun hesab etmədik. Çünki bu zaman bir çox məsələlər meydana çıxır və tələbələrin bir çox asılılıqları yaranır. Belə ki, tələbələr imtahan vermək üçün normal surətli internetə ehtiyac duyur, imtahan müddətində (1 saat) kəsilməz internet olmalıdır, imtahan zamanı işıqlar sönə və hər hansı bir texniki problem yarana bilər, imtahan verəcəyiniz vasitələrdə hər hansı bir problem yarana bilər və s.

Bütün bu kimi asılıqların aradan qaldırılması üçün universitet rəhbərliyi bu sistemdən istifadəni məsləhət bilmədi. Bütün tələbələrin imtahan zamanı heç bir asılılığının olmaması və heç bir çətinlik çəkmədən
imtahan verə bilməsi üçün Whatsapp proqramından istifadəyə qərar verilmişdir. Bu proqramdan istifadə zamanı tələbələr yuxarıda sadalanan problemlərlə qarşılaşmayacaqlar. Proqramın istifadəsi asan və əlçatandır. Demək olar ki, bütün tələbələr bu proqramdan gündəlik istifadə edir. Etməyənlərin belə ailə üzvləri arasında istifadə edənlər mövcuddur. Bu proqramdan imtahan üçün istifadə edən zaman 1 saat müddətində kəsilməz internetə ehtiyac yoxdur, işıqların sönməsi kimi problem yoxdur, hər hansı bir texniki problemin yaranma ehtimalı demək olar ki, yoxdur. Belə ki, imtahanlar cədvələ uyğun olaraq təşkil olunacaq. İmtahan başlamazdan əvvəl sizə hazırlanmış imtahan sualları (50 sualdan ibarət)
Whatsapp proqramı vasitəsilə göndəriləcəkdir. Siz bu proqramdan istifadə etməklə həmin sualı yükləyəcəksiz. Bu zaman sizə max 1 dəq vaxt və bu vaxt ərzində internet lazım olacaq, imtahan suallarına cavab axtaran zaman internetin olması vacib deyil. Bir də imtahan bitdikdən sonra cavabların geri göndərilməsi üçün 1 dəq vaxt və bu vaxt ərzində internet lazım olacaq. Göründüyü kimi bu formada imtahan verən zaman tələbələrin digər vasitələrdən asılılığı minimuma endirilib, demək olar ki, yox səviyyəsindədir. Nəzərə alsaq ki, telefon operatorlarının çoxu Whatsapp proqramından istifadə üçün ödənişsiz internet paketi verir, bu olmasa belə bir imtahan üçün max 2 dəq internet istifadə etməli olacaqsız. Deməli imtahan vermək üçün böyük xərc də tələb edilmir. Bütün bu kimi məsələr universitet rəhbərliyinin mövcud e-imtahan sistemi əvəzinə bu proqramı seçməsinə gətirib çıxarmışdır.

Ümid edirik ki, “Nə üçün Whatsapp proqramı?” sualına cavab tapa bildiniz. Qarşıdan gələn imtahanlarda hər birinizə uğurlar arzu edirik!
R E K T O R L U Q